Бейнеу гуманитарлық колледжі - Маңғыстау облысындағы ауылдық жерлерде ұйымдастырылған алғашқы колледж. Бұл оқу орнының ашылуы аудан тұрғындары үшін маңызды оқиға болып табылады, себебі Бейнеу ауданы экономикалық өсім мен халықтың өсімі тұрғысынан еліміздегі жетекші ауданның бірі болып табылады. Жыл сайын студенттер контингенті екі еселенеді.

Колледждің артықшылықтары:

• Мамандықтардың кең ауқымы.
• Ғылыми жобалар мен пәндік олимпиадалардың өңірлік конкурстарында студенттердің жүлделі орындары.
• Түлектерді жұмысқа орналастырудың жоғары деңгейі. Түлектер туралы ақпарат базалық мекемелерге, аудандық жұмыспен қамту және әлеуметтік бағдарламалар бөліміне ұсынылады. Бейнеу ауылының мектепке дейінгі ұйымдарында «Мектепке дейінгі тәрбие және оқыту» мамандығын бітірген түлектер жұмыс істейді. Колледж түлектері соңғы жылдары ашылған Үстірт орта мектебінде, Манашы орта мектебінде, Күйкен орта мектебінде, Сам орта мектебінде және Бейнеу мектептерінде мамандықтары бойынша жұмысқа орналасты.

Талапкерлердің күндізгі оқу нысанына құжаттарын қабылдау 25 маусымнан 15 тамызға дейін

Колледжге түсу үшін қажетті құжаттар:

• оқуға қабылдау туралы өтініш (еркін нысанда);
• негізгі орта немесе жалпы орта білім туралы аттестаттың түпнұсқасы;
• флюорография түсірілімімен № 075-У медициналық анықтама; бала кезінен мүгедектер, I және II топтағы мүгедектер үшін - № 088-У медициналық-әлеуметтік сараптаманың қорытындысы;
• 3х4 см фотосуреттер - 4 дана;
• азаматтығы жоқ адам - тұрғылықты жері бойынша тіркелгені туралы құжат;
• жеке басын куәландыратын құжат.

Құжаттар 25 маусымнан бастап ЭЦҚ арқылы электрондық түрде қабылданады.

Туындаған сұрақтар бойынша колледждің қабылдау комиссиясына телефон арқылы немесе әлеуметтік желілер арқылы хабарласыңыз.