«Сервис» Орал технологиялық колледжі - құрамына 8 оқу-өндірістік шеберханасы, 6 оқу шаштараз кабинеті, 5 аспаз зертханасы, 28 оқу кабинеті, оқу ателье, оқу кафесі, медициналық кабинет, 300 орындық жатақхана, акт және спорт залдары, компьютерлік сыныптар, оқу залы мен кітапхана, асхана кіретін заманауи кешен.

Колледж өз жолын алпысыншы жылдары бастаған. Дәл осы жылдары республиканың Батыс Қазақстан өңірінде қызмет көрсету және коммуналдық шаруашылық салалары үшін жаңа жас кадрларды даярлау қажеттілігі туындады. Қызмет еткен уақытта колледж мәртебесін бірнеше рет өзгертті, бірақ қызмет саласы мен мақсаты өзгерген жоқ - қызмет көрсету саласы үшін кадрлар даярлау. Осы уақыт ішінде 30 мыңнан астам білікті маман даярланды.

Колледждің басты әлеуметтік серіктестері қаланың кәсіпорындары болып табылады, олармен кәсіптік практиканы өткізуге 24 меморандум мен шарт жасалған, оның ішінде 6 сұлулық салоны, 5 қоғамдық тамақтану кәсіпорны және 13 тігін кәсіпорны.

Түсуге қажетті құжаттар:

• Білімі туралы құжат (түпнұсқа)
• № 075-У медициналық анықтама
• Жеке куәлік немесе туу туралы куәлік + ЖСН (көшірмесі)
• Отбасы құрамы туралы анықтама, мекенжай анықтамасы
• 3x4 фотосуреттер - 6 дана.

Туындаған сұрақтар бойынша колледждің қабылдау комиссиясына телефон арқылы немесе әлеуметтік желілер арқылы хабарласыңыз.