«Көлік және тіршілік қауіпсіздігі колледжі» мемлекеттік емес мекемесі 2006 жылы құрылған, Н.Назарбаев даңғылы, 83/2-үйде орналасқан.

Колледж өз қызметін колледждің Жарғысы, қызмет мақсаты мен міндеттері, оқуға қабылдау тәртібі, оқу-тәрбие процесін ұйымдастыру белгіленген колледж туралы ереже негізінде жүзеге асырады. Мамандарды даярлау бюджеттік және коммерциялық негізде, күндізгі және сырттай оқу түрлері бойынша, мамандықтар бойынша орыс тілінде жүзеге асырылады:

1. Автомобиль көлігіне техникалық қызмет көрсету, жөндеу және пайдалану

2. Темір жол көлігінде тасымалдауды ұйымдастыру және қозғалысты басқару

3. Төтенше жағдайларда қорғау

4. Өрт қауіпсіздігі

Колледжде теориялық және практикалық оқытуды ұйымдастыру үшін жалпы білім беретін және арнайы пәндер кабинеттері, оқу зертханалары мен шеберханалары, Автокөліктерге техникалық қызмет көрсету станциясы жабдықталған.

«Көлік және тіршілік қауіпсіздігі колледжі» МЕМ білім беру қызметін жүргізуге мемлекеттік лицензиясы бар.

Мемлекеттік тапсырыс бойынша күндізгі оқу нысанына:

• - негізгі орта білім базасында күнтізбелік жылдың 25 маусымынан 18 тамызына дейін;
• - жалпы орта білім базасында күнтізбелік жылдың 25 маусымынан 20 тамызына дейін;
• 1.2.2) ақылы негізде – күнтізбелік жылдың 25 маусымы мен 25 тамызы аралығында
• 1.2.3) сырттай оқу нысанына – күнтізбелік жылдың 25 маусымы мен 20 қыркүйегі аралығында.

Мемлекеттік қызметті алу үшін талапкер немесе оның заңды өкілі колледжге немесе «Электрондық үкімет» веб-порталына жүгінеді және келесі құжаттар пакетін ұсынады:

Колледжге:

1) құжаттарды қабылдау туралы өтініш;

2) білімі туралы құжаттың түпнұсқасы;

3) көлемі 3х4 см, 4 дана фотосурет;

4) № 075-У нысанындағы медициналық анықтама, І және ІІ топтағы мүгедектер мен бала кезінен мүгедектер үшін 031-У нысаны бойынша медициналық-әлеуметтік сараптаманың қорытындысы;

5) жеке басын куәландыратын құжат (жеке басын сәйкестендіру үшін). Талапкердің жеке басын куәландыратын құжаттарды жеке немесе заңды өкілдері ұсынады.