Медреседе 12 оқытушы бар, олардың ішінде: 1 оқытушы «Әл-Азхар» университеті мен Қазақстан мұсылмандары діни басқармасы арасындағы шарт бойынша, 4 оқытушы магистр дәрежесімен (дінтану саласында). Білім деңгейі білім беру жүйесінің талаптарына сәйкес келеді, барлық оқытушылар мамандық бойынша сабақ береді.

Ғимараттың бірінші қабатында оқу сыныптары, әкімшілік кабинеті, мұғалімдер кабинеті, медпункт, намаз үйі, санитарлық торап, қойма орналасқан. Ғимараттың екінші қабатында кітапхана, компьютерлік сынып, акт залы, жатақхана орналасқан.

Оқу орны толық жиһазбен жабдықталған, интерактивті кабинет, интернетке қосылған компьютерлік сынып бар.

Ғимараттың жанында студенттер үшін арнайы ашық шағын футбол алаңы салынды.

Ақтөбе облысындағы Ақтөбе медресе-колледжіне түсу үшін:

• директордың атына өтініш;
• ұсынымдық хат (мешіт имамынан);
• өмірбаян (талапкердің өз қолымен толтырады);
• орта білім туралы аттестат (түпнұсқа);
• фото 4х5 см 6 дана;
• жеке куәлік (көшірмесі);
• № 086-У нысанды медициналық анықтама.

Сондай-ақ, түсу емтиханын тапсырып, әңгімелесуден өту қажет.

Туындаған сұрақтар бойынша колледждің қабылдау комиссиясына телефон арқылы немесе әлеуметтік желілер арқылы хабарласыңыз.