И. Әбдікәрімов атындағы Қызылорда политехникалық жоғары колледжі (бұрын - И. Әбдікәрімов атындағы Қызылорда аграрлық-техникалық жоғары колледжі - экономиканың түрлі салалары үшін кадрлар даярлайтын облыстың жетекші орта арнаулы оқу орындарының бірі. Колледждің мемлекеттік лицензиясы бар және техникалық және кәсіби бейіндегі заманауи мамандарды толық көлемде даярлауға мүмкіндік беретін материалдық-техникалық базасы бар.

Колледждің кейбір артықшылықтары:

• Мамандарды даярлаудағы 95 жылдық тәжірибе
• Қазіргі заманғы білім беру бағдарламалары
• Жоғары білікті оқытушылар құрамы
• Саланың жетекші кәсіпорындарымен тығыз ынтымақтастық
• Колледжде: Құзырет орталығы, Мансап және кәсіптік бағдар орталығы, ветеринарлық клиника, жылыжай шаруашылығы, ауданы 150 гектар оқу-өндірістік учаске жұмыс істейді. Мұнда мал шаруашылығы, ауыл шаруашылығы дақылдары мен жеміс ағаштарын өсіру бойынша практикалық жұмыстар жүргізілуде. Студенттер кәсіби практикадан өтіп, нақты дағдыларды меңгереді.
• 2025 жылы колледж «Атамекен» ҚР ҰКП ұйымдастырған «Кәсіби маман» байқауында І орын алып, «Үздік колледж - 2025» атағына ие болды.

И. Әбдікәрімов атындағы Қызылорда аграрлық-техникалық жоғары колледжіне түсу үшін құжаттар:

• өтініш;
• білімі туралы құжат (аттестат);
• 3 × 4 см фотосуреттер - 6 дана;
• № 075-У нысан бойынша медициналық анықтама;
• № 031-У нысан бойынша медициналық әлеуметтік сараптаманың қорытындысы (I және II топтағы мүгедектер үшін);
• жеке басын куәландыратын құжат (паспорт немесе туу туралы куәлік);
• электрондық цифрлық қолтаңба (ЭЦҚ).

Туындаған сұрақтар бойынша колледждің қабылдау комиссиясына телефон арқылы немесе әлеуметтік желілер арқылы хабарласыңыз.