Халықаралық сандық технологиялар, сәулет және құқық колледжі - оқушылар контингенті мен ауданы бойынша Батыс Қазақстан облысының ең ірі колледжі. Жоғары деңгейдегі бағдарламашыларды, ІТ-мамандарды, білікті заңгерлерді, кәсіби байланысшыларды және еңбек нарығында әрдайым сұранысқа ие құрылысшыларды даярлайды.

Бұл әлемдік стандарттарға бағытталған колледж. 20 компьютерлік сыныптың интернет-қосылымы, спортзал, Студенттер сарайы, барлық қажетті инфрақұрылым бар. Студенттік қалашықта 7 оқу корпусы, 2 асхана, 4 буфет, медициналық пункт бар. Спортқа әуес студенттер үшін волейбол, баскетбол, мини-футбол, шашки, шахмат, тоғызқұмалақ және үстел теннисінен тегін секциялар ұйымдастырылған. Колледжде «Жас Отан» жастар қоғамдық бірлестіктері, «Аманат» пікірсайыс клубы, Көңілді және тапқырлар клубы, вокал, халықтық және заманауи би үйірмелері жұмыс істейді.

Колледждің оқу процесінің міндетті құрамдас бөлігі практика болып табылады. Колледж студенттері оны ірі ұйымдарда, банктерде және шетелдік фирмаларда (Қазақтелеком, ҚазТрансКом, Қарашығанақ Петролиум Оперейтинг Б.В., қалалық соттар және т.б.) өтеді.

Колледжге түсу үшін қажетті құжаттар:

• білімі туралы аттестат;
• жеке куәлік немесе туу туралы куәлік;
• № 075-У нысанды медициналық анықтама (флюорографиямен);
• 3 × 4 см фотосуреттер - 4 дана.

Сондай-ақ құжаттарды «ҚР Электрондық үкіметі» порталы арқылы онлайн жіберуге болады - egov.kz. Ол үшін электрондық өтінішті толтырып, білім туралы құжаттың электрондық көшірмесін, медициналық анықтаманы және 3х4 см көлеміндегі сандық фотосуретті қоса беру қажет.

Туындаған сұрақтар бойынша колледждің қабылдау комиссиясына телефон арқылы немесе әлеуметтік желілер арқылы хабарласыңыз.