Ж. Досмұхамедов атындағы жоғары педагогикалық колледж - Қазақстан Республикасындағы ең көне оқу орындарының бірі болып табылады. Колледж тарихы 1913 жылдан басталады. Білім беру мекемесі бірнеше рет мәртебесін өзгертті: мұғалімдер семинариясы, 4 жылдық педагогикалық техникумы, Орал педагогикалық училищесі, 1994 жылы училище колледж мәртебесіне ие болды. 1998 жылы колледжге танымал қоғам қайраткері, заңгер, «Алаш» партиясының батыс қанатының көшбасшыларының бірі Жаханша Досмұхамедовтың есімі берілді. 2003 жылы колледж ғимаратының алдында Жаханша Досмұхамедовке ескерткіш орнатылды.

Оқытудың кейбір артықшылықтары:

• Инновациялық технологияларды енгізу: 2009 жылдан бастап колледжде «Бастауыш білім беру» мамандығы бойынша кредиттік және қашықтықтан оқыту технологияларын пайдалана бастады. 2011 жылдан бастап ағылшын тілін тереңдетіп үйрену үшін оқу процесіне English Discoveries мультимедиялық курсы енгізілуде.
• Электрондық басқару және бақылау жүйесі: 2014-2015 оқу жылынан бастап колледжде RMS TektonIT, ITALC бағдарламалары мен RVI IP-бейне жүйелері біріктірілді, бұл мониторинг жүргізуге, оқу кабинеттерін бақылауға және басқаруға мүмкіндік береді.
• Басқа қаладан келген студенттерге жайлы жатақхана - Студенттер үйі ұсынылады, онда асхана, медпункт, интернет-кафе және кинозал жұмыс істейді, «музыка», «қарым-қатынас», «өнер», «ойын» алаңдары жабдықталған. Студенттер үйі тұрғындарының қауіпсіздігін қамтамасыз ету үшін барлық бейнебақылау «Полиция департаменті» жедел басқару орталығына қосылған.

Колледжге түсу үшін құжаттар:

• Білімі туралы құжат (түпнұсқа)
• 3х4 фотосуреттер - 4 дана.
• Флюроснимкалы № 075-У медициналық анықтама
• Жеке басын куәландыратын құжаттың көшірмесі
• Жеңілдіктерді растайтын құжаттар (бар болса)
• ЭЦҚ (электрондық цифрлық қолтаңба)

Туындаған сұрақтар бойынша колледждің қабылдау комиссиясына телефон арқылы немесе әлеуметтік желілер арқылы хабарласыңыз.