«Алтай қаласының технологиялық колледжі» КММ жас мамандарды даярлау және оларды жұмысқа орналастыру сапасы бойынша Алтай ауданында көш бастап тұр. Колледждің «Қолжетімді білім беру» миссиясын іске асыра отырып, барлық мамандықтар бойынша кәсіптік даярлау бюджеттік негізде жүзеге асырылады.

Студенттерге стипендия, жол ақысы үшін өтемақы төленеді, арнайы киім, қажетті құралдар мен жабдықтар беріледі.

Колледж 9 сынып базасында білім беру гранты бойынша қабылдау жүргізеді.

Колледжге түсуге арналған құжаттар тізбесі:

1) құжаттарды қабылдау туралы өтініш (колледжде толтырылады);

2) білім туралы құжаттың түпнұсқасы;

3) көлемі 3х4 см фотосуреттер - 4 дана, 3х4 см сандық фотосуреттер - 1 дана (флешкада);

4) № 075-У нысанды медициналық анықтама; 1, 2 топтағы мүгедектер және бала кезіндегі мүгедектер үшін 031-У нысаны бойынша медициналық-әлеуметтік сараптаманың қорытындысы;

5) жеке басын куәландыратын құжат (жеке басын сәйкестендіру үшін);

6) флешкадағы ЭЦҚ кілті (кәмелетке толмағандар үшін ата-анасының ЭЦҚ).

Туындаған сұрақтар бойынша колледждің қабылдау комиссиясына телефон арқылы немесе әлеуметтік желілер арқылы хабарласыңыз.