Қазақстан-Ресей медицина университеті – еліміздегі ең ірі жекеменшік жоғары оқу орындарының бірі, мемлекеттік аттестациядан төрт рет өткен, мемлекеттік үлгідегі диплом беретін оқу орны.

Университеттің ерекшеліктері:

• Білім беру бағдарламасы мемлекеттік білім стандартына толық сәйкес келеді.
• Оқу процесін 200-ден астам оқытушы жүзеге асырады, олардың арасында әлемге танымал дәрігерлер, ірі қазақстандық және шетелдік ғалымдар бар.
• Студенттер академиялық ұтқырлық бағдарламалары бойынша шетелде білім алуға және тәжірибеден өтуге мүмкіндік алады.
• Оқу келісімшарт негізінде де, мемлекеттік білім гранты бойынша да жүргізіледі.
• Студенттер оқу тілін (мемлекеттік немесе орыс тілі) еркін таңдауға мүмкіндік алады және бірінші курстан бастап шет тілдерін қарқынды оқиды.
• ҚРМУ-да 6-10 адамнан тұратын шағын академиялық топтар құрылады, бұл студенттерге жеке-дара тәсілді ұйымдастыруға мүмкіндік береді.
• Университет өміріне жарқындық пен бірегейлік беретін 20-дан астам студенттік клубтар мен ұйымдар, сондай-ақ студенттік іс-шараларды ұйымдастырумен және студенттік өмірді басқарумен айналысатын Жастар Іс-әрекет Комитеті (ЖІК) жұмыс істейді.

Оқуға түсу үшін қажетті құжаттар:

• Жеке куәлік (2 дана);
• Әскери билет немесе тіркеу куәлігі (көшірмесі, әскерден кейінгі жігіттер үшін; талапкерлер үшін – eGOV-тан мәртебесі туралы үзінді);
• № 063 нысаны бойынша егу анықтамасы (эпид.паротит, қызылша, қызамық, «В» гепатиті, 16 жастан бастап АДС-М), (2 дана);
• Психиатр-наркологтың мөрі бар № 075 медициналық анықтама (және флюорографиялық сурет, сурет түскен жылға сәйкес болуы керек) + бір көшірме;
• Грант беру туралы куәлік (квота бойынша білім беру грантын алған жағдайда растайтын құжаттар);
• QR-коды бар ҰБТ сертификаты;
• Орта білім туралы аттестат немесе қосымшасы бар орта арнаулы білім туралы диплом (түпнұсқа);
• 3х4 см өлшемді 4 фотосурет;
• Арнайы (психометриялық) емтиханнан өткені туралы анықтама («Стоматология», «Медицина», «Медициналық-профилактикалық іс» және «Мейіргер ісі» білім беру бағдарламаларына түсетіндер үшін).               

Туындаған сұрақтар бойынша қабылдау комиссиясына телефон арқылы немесе әлеуметтік желілер арқылы хабарласыңыз