Ақтөбе индустриялық-кәсіптік колледжі - мұнай-газ саласы, сондай-ақ экономика, энергетика, экология және ақпараттық қызметтер салалары мамандарын даярлау үшін жағдай жасалған кәсіптік оқу орны.

Колледждің кейбір артықшылықтары:

• Мықты оқытушылар құрамы.
• Тегін оқытуға мемлекеттік гранттар. Колледж мемлекеттік білім беру тапсырысын бөлуге қатысады.
• Студенттерге арналған стипендиялар.
• Студенттер үшін тегін бассейн.
• Практикадан өтуге және жұмысқа орналасуға жәрдемдесу, оның ішінде жұмыс істеп тұрған кен орындарында практика.
• Сұранысқа ие мамандықтар: мұнай-газ секторының және экономиканың басқа салаларының 18 мамандығы бойынша оқыту.
• Жақсы материалдық-техникалық база: жалпы ауданы 7300 шаршы метр оқу корпустары, 67 оқу аудиториясы, 6 компьютерлік сынып, мамандандырылған шеберханалар, бұрғылау және мұнай өндіру жабдықтарының оқу полигоны.
• Кең спорт залын, жаттығу залын, жүзу бассейнін қамтитын заманауи спорттық-сауықтыру кешені.

Колледжге түсу үшін қажетті құжаттар:

• Құжаттарды қабылдау туралы өтініш - оны колледжде толтыруға болады;
• Білімі туралы құжаттың түпнұсқасы (аттестат немесе диплом);
• 3х4 см фотосуреттер - 4 дана;
• № 075-У. нысанды медициналық анықтама; І және ІІ топтағы мүгедектер мен бала кезінен мүгедектер үшін - № 031-У нысан бойынша медициналық-әлеуметтік сараптаманың қорытындысы;
• Жеке басын куәландыратын құжат (сәйкестендіру үшін).
   

Оқуға түсу үшін құжаттарды кәмелетке толғандар жеке өздері, кәмелетке толмағандар заңды өкілдерінің қатысуымен ұсынады.

Сондай-ақ құжаттарды «ҚР Электрондық үкіметі» порталы арқылы онлайн жіберуге болады - egov.kz.

Туындаған сұрақтар бойынша колледждің қабылдау комиссиясына телефон арқылы немесе әлеуметтік желілер арқылы хабарласыңыз.