ҰБТ сертификаты Малайзия университеттеріне оқуға түсу үшін ресми түрде танылды

21 мамыр 2026 ж.

 

Қазақстанның ҰБТ сертификаты Малайзияның Жоғары білім министрлігі тарапынан ресми түрде танылып, ел университеттерінің бакалавриат бағдарламаларына қабылдау кезінде ұсынылатын құжаттар тізіміне енгізілді. Бұл қазақстандық талапкерлердің академиялық даярлығын бағалау жүйесінің халықаралық деңгейде мойындалуының маңызды көрсеткіші болды.
 
Енді қазақстандық түлектер Малайзияның бірқатар университеттеріне міндетті Foundation даярлық бағдарламасын өтпей-ақ, ҰБТ сертификаты арқылы оқуға түсе алады. Сонымен қатар ағылшын тілінде оқытылатын білім беру бағдарламаларына түсу үшін IELTS, TOEFL немесе баламалы сертификаттар арқылы ағылшын тілін меңгеру деңгейін растау талаптары сақталады.