Қазақстанның әскери кафедралары жаңа ережелерге көшуде: студенттер үшін не өзгереді

19 қараша 2025 жыл

Қазақстанда жоғары оқу орындары жанындағы әскери кафедралар мен факультеттер жұмысының жаңа ережелері бекітілді, олар 2025 жылғы 25 қарашадан бастап жұмыс істей бастайды. Құжат сабақтарды ұйымдастыруды, кафедралардың құрылымын, әскери бөлімдермен өзара іс-қимылды және оқытушыларға қойылатын талаптарды егжей-тегжейлі регламенттейді.

 

Ережеге сәйкес әскери кафедра өзінің оқытушылық құрамы, инженерлік-техникалық және оқу-көмекші персоналы бар жоғары оқу орнының толыққанды құрылымдық бөлімшесіне айналады. Оқу процесі взвод қағидаты бойынша құрылатын болады: бір взвод - 7-10 адамнан тұратын бөлімшелерге бөлінген 14-тен 30-ға дейін студент. Қажет болған жағдайда сабақтарды саны 7-13 адамнан тұратын шағын бөлімшелер құрамында өткізуге жол беріледі. Бөлiмшелер мен взводтардың командирлерiн кафедра басшылығы студенттердiң өздерiнен тағайындайды.

 

Оқытушылардың біліктілігіне де ерекше назар аударылды: барлық профессорлық-оқытушылық құрам әрбір 3 жыл сайын біліктілікті арттыру курстарынан өтуге міндетті. Оқу кем дегенде 72 академиялық сағатқа созылады және Қорғаныс министрлігіне ведомстволық бағынысты мекемелерде өткізіледі.

 

Жаңа құжат сондай-ақ әскери-оқу тәжірибесінің тәртібін, әскери билеттерді беруді, «запастағы лейтенант» және «запастағы сержант» атақтарын беруді реттейді. Атақтарды тапсыру жоғары оқу орнынан шығумен үйлестіріледі - рәсімдер әскери қызметшілер мен ардагерлердің қатысуымен салтанатты түрде өтеді.

 

Жоғары оқу орындарына әскери кафедралардың мүлкiн қорғауды, оқу-әдiстемелiк материалдар шығаруды және күн тәртiбiне, iшкi нарядқа және әскери-патриоттық жұмысқа қойылатын бiрыңғай талаптарды сақтауды қамтамасыз ету ұйғарылды.