Оқу корпусы 2 қабаттан тұрады: біріншісінде - кітапхана, екіншісінде - оқу аудиториялары, әкімшілік және оқытушылар кабинеттері, компьютерлік сынып. Оқу корпусы инкопьютерлік сыныппен, ұйымдастыру техникасымен жарақтандырылады. Оқу орнының жанында студенттер үшін арнайы ашық футбол алаңы салынды. Студенттер бос уақытында «ААИУ» спорт кешенінің секцияларына барады. Колледж асханасы білім алушыларды үш рет (тегін) ыстық тамақпен қамтамасыз етеді.

Колледж-медреседе жоғары білімі бар 30 оқытушы жұмыс істейді: PHD докторы, екі ғылым кандидаты, 10 оқытушы дінтану магистрі атағына ие.

Оқу-өндірістік практика оқу орнының жанында орналасқан «Оразкүл Ана» мешітінде өтуде.

 «Шымкент» колледж-медресесіне түсу үшін келесі құжаттар қажет:

• оқуға түсуге өтініш;
• білім туралы құжаттың түпнұсқасы;
• флюорография түсірілімімен № 075-У медициналық анықтама;
• 3×4 см фотосуреттер - 6 дана;
• жеке басын куәландыратын құжат;
• жеке басын куәландыратын құжаттың көшірмесі.

Сондай-ақ, түсу емтиханын тапсырып, әңгімелесуден өту қажет.

Туындаған сұрақтар бойынша колледждің қабылдау комиссиясына телефон арқылы немесе әлеуметтік желілер арқылы хабарласыңыз.