МИСИС ғылым және технология университеті – Ресейде жаңа технологиялар мен материалдарды жасау, ендіру және қолдану саласындағы жетекші жоғары оқу орны. Ол глобальды Round University Rankings рейтингісі бойынша елдегі үздік 5 университеттің қатарына, ал Times Higher Education және Интерфакс рейтингтері бойынша үздік 10 университеттің қатарына кіреді.

МИСИС ҰҒТУ материалтану (QS), материалдар технологиялары (RAEX және U.S.News) және металлургия (ARWU) бойынша пәндік рейтингтерде көш бастап тұр. Университет құрамында 10 институт және 6 филиал бар: төртеуі Ресейде, екеуі шетелде орналасқан. МИСиС ҰҒТУ әлемдік деңгейдегі 48 ғылыми-зерттеу зертханалары мен инжиниринг орталықтарына ие. Мәскеудегі кампуста 80-нен астам елден келген шетелдік азаматтарды қоса алғанда, 11 100 студент білім алады.

Университет 1650 академиялық және бизнес-серіктестермен белсенді ынтымақтасады, білім, ғылым, инфрақұрылым және әлеуметтік салаларда бірлескен жобаларды жүзеге асырады. Бұл студенттерге тәжірибе мен тағылымдамадан өтуге кең мүмкіндіктер береді. Университеттің негізгі бизнес-серіктестері арасында "Росатом", "Северсталь", "Металлоинвест", "Норникель", "Сбер", "Роскосмос" және VK бар.

МИСИС университеті жайлы халықаралық орта қалыптастырады: халықаралық достық және жерлестер клубы шетелдік студенттерге тез бейімделуге және үйіндегідей сезінуге көмектеседі. Жыл сайын студенттер басқа елдердің мәдени әртүрлілігімен танысатын "Ұлттар күні" фестивалі өтеді. Университетте ғылыми қауымдастықтардан бастап шығармашылық студиялар мен спорт клубтарына дейін көптеген бірлестіктердің арқасында студенттік өмір белсенді дамып келеді. Мұнда әркім өз әлеуетін аша алады. Шетелдік студенттерге оқу формасына қарамастан (бюджеттік немесе ақылы) университет жатақханаларының бірінен орын беріледі.

Бакалавриатқа түсу үшін қажетті құжаттар:

• Паспорт
• Аттестат немесе диплом және оған қосымша (құжат Ресей Федерациясының заңнамасына сәйкес заңдастырылуы тиіс)
• Егер құжаттарда орыс тілінде емес ақпарат болса, Ресей Федерациясының сіздің еліңіздегі консулдығында жасалған паспорт пен аттестаттың (дипломның) қосымшасымен бірге орыс тіліне нотариуспен куәландырылған аудармалары
• Отандас мәртебесін растайтын құжаттар (қажет болған жағдайда): үміткердің туу туралы куәлігі, ата-анасының біреуінің паспорты, үміткердің азаматтығы бар елде тұрақты тұратынын растайтын құжат.

Түпнұсқадағы шетел тіліндегі барлық мәтін, лауазымды тұлғалардың тегі, мөрлер мен штамптар аударылуы тиіс.

Нотариуспен куәландырылған аудармаларға аударылатын құжаттардың көшірмелері тігілуі тиіс.

Туындаған сұрақтар бойынша қабылдау комиссиясына телефон арқылы немесе әлеуметтік желілер арқылы хабарласыңыз.