Білім беру бағдарламасы аясында оқыту траекториясы:

- Электромобильдердің дизайны және басқару жүйелері;

- Энергиямен жабдықтау және энергияны сақтау технологиялары (батареялар, зарядтау станциялары);

- Автоматтандыру және ақпараттық технологиялар (басқару жүйелері, микроконтроллерлер, IoT).

Кәсіби қызмет саласы электромобильдер мен гибридті автомобильдерді әзірлеу, өндіру және техникалық қызмет көрсету, зарядтау станцияларының энергетикалық инфрақұрылымын басқару, сондай-ақ электромобиль саласының инновациялық технологиялары саласындағы ғылыми зерттеулер мен оқытушылық қызмет болып табылады..

Кәсіби қызмет пәндері:

- Электромобильдер және олардың компоненттері;

- Борттық энергиямен жабдықтау жүйелері және зарядтау станциялары;

- Техникалық қызмет көрсету және диагностика;

- Электромобиль саласындағы инновациялық технологиялар;

- Электромобильдерді дайындау бойынша өндірістік процестерді басқару және оңтайландыру.

Жұмысқа орналасу нұсқалары :

- Электромобильдер бойынша инженер-конструктор: өндірістік кәсіпорындарда және инжинирингтік компанияларда электромобильдерді, олардың жүйелері мен компоненттерін әзірлеу және жобалау;

- Электротехника және электроника бойынша маман: автомобиль өнеркәсібіндегі электрондық басқару жүйелерін, электр жетектерін, навигация және байланыс жүйелерін әзірлеу саласындағы жұмыс;

- Сынау және сертификаттау жөніндегі инженер: халықаралық және салалық стандарттарға сәйкес электромобильді компоненттер мен жүйелерді сынауға және сертификаттауға қатысу;

- Энергетикалық инфрақұрылым бойынша маман: электромобильдерге арналған зарядтау станцияларын дамыту және басқарумен, сондай-ақ желілік Интеграция және энергетикалық технологиялармен айналысатын компанияларда жұмыс істеу;

- Ғылыми қызметкер және инноватор: электромобиль саласындағы жаңа материалдарды, батарея технологияларын, дөңгелектердің электр жетектерін басқару жүйелерін, мотор дөңгелектерін және басқа да инновацияларды әзірлеу саласындағы ғылыми-зерттеу қызметімен айналысу.