Қазақстан нарығында телекоммуникацияның қарқынды дамуы және жаңа операторлардың пайда болуы заманауи телекоммуникациялық жүйелердің құрылымы және ұлттық, ұлтаралық ақпараттық-коммуникациялық желілердің даму тенденциялары туралы ұғымдарды игерген телекоммуникация саласының мамандарын дайындауды талап етеді. Оқыту үрдісінде алынған білім және дағдылар Қазақстанның және шет елдің ірі телекоммуникациялық компанияларында сымды, деректер тарату, ақпараттық-есептеу желілерінің, радиобайланыс, соның ішінде теледидар және радиохабар желілерінің барлық жүйелерін жобалау, құру, оларға қызмет көрсету және пайдалану бойынша инженерлік-техникалық қызметкерлер ретінде жұмыс істеуге мүмкіндік береді.
Кәсіби қызмет саласы
- Смарт жүйелерді әзірлеу жөніндегі инженер: интеллектуалды басқару, автоматтандыру және бақылау жүйелерін жобалау және енгізу.
- Радиоинженер: радиоэлектрондық құрылғылар мен жүйелерді жобалау, құру және сынаумен, сондай-ақ радиотехника және электроника саласында ғылыми зерттеулер жүргізумен және жаңа технологияларды әзірлеумен айналысады.
- Электрондық инженер: Электрондық компоненттерді, құрылғыларды, электронды жабдықтар мен жүйелерді әзірлеу, өндіру және жобалау.
- Байланыс инженері: спутниктік, ұялы және сымды байланысты қоса алғанда, байланыс жүйелерін жобалау және техникалық қолдау.
- IoT қауіпсіздігі бойынша маман: IoT құрылғыларын қорғау және Интернет заттар жүйелерінде қауіпсіз байланысты қамтамасыз ету үшін қауіпсіздік шаралары мен сымсыз желілерді, соның ішінде Wi-Fi, Bluetooth, Zigbee және басқа технологияларды жобалау, енгізу және оңтайландыру.
- Цифрлық сигналдарды өңдеу инженері: байланыс және радиолокациялық жүйелерде цифрлық сигналдарды өңдеу және тарату жүйелері мен алгоритмдерін әзірлеу.
