6В04201 — «Құқықтану» білім беру бағдарламасы құқықтану саласында құқық бакалаврларын даярлауға бағытталған.

Бағдарламаның мақсаты – теориялық және практикалық білімі арқасында мемлекеттің, жеке және заңды тұлғалардың құқықтық салада туындайтын заңды құқықтары мен мүдделерін қорғауды және сақталуына кепілдік беруді өз бетінше және жауапкершілікпен қамтамасыз ете алатын маман даярлау.

Түлектердің кәсіптік қызметінің объектілері – әлеуметтік-экономикалық және қоғамдық-саяси саладағы құқық қолдану қызметі: заңдық маңызы бар оқиғалар мен әрекеттер, мемлекеттік институттардың қызмет ету саласында туындайтын құқықтық қатынастар, мемлекеттік органдар, жеке және заңды тұлғалар арасындағы құқықтық қатынастар.

6В04201 бағдарламасы бойынша бакалаврлар келесідей кәсіптік қызмет түрлерін атқара алады:

• мемлекеттік органдар мен мекемелерде ұйымдастырушылық-басқарушылық қызмет;
• ішкі істер органдарында, қаржы полициясында, ұлттық қауіпсіздік органдарында, прокуратурада, сот мекемелерінде және т.б. құқық қорғау қызметі;
• адвокат ретінде заңгерлік және кеңес беру қызметі;
• орта арнаулы оқу орындарында білім беру немесе педагогикалық қызмет.