«Алматы мемлекеттік политехникалық колледжі» МКҚК 1940 жылы құрылған, 2024 жылы Алматы қаласы Білім басқармасының «ALMATY POLYTECHNIC COLLEGE» коммуналдық мемлекеттік қазыналық кәсіпорны болып өзгертілді.

Колледж кадрларын даярлаудың негізгі бейіні IT-саласы болып табылады. Колледжде заманауи инфрақұрылым құрылды, сонымен қатар студенттерге қызмет көрсету орталығы, ыңғайлы қызметтік кабинеттер, асхана, мәжіліс залы, спорт залы, ашық спорт алаңы, жаттығу залы, кітапхана ресурстары, интернет, компьютерлік техника және т.б. «CISCO академиясы», «Ruijie Networks», «Н3С тренинг орталығы», фото-бейнетүсірілім мен монтаждауға арналған оқу телестудиясы, мобильді робототехника зертханасы, «FESTO» мехатроникасы, графикалық дизайн, Web-әзірлеу, компьютерлік ойындарға арналған 3D-модельдеу, прототиптеу және CAD инженерлік графикасы жұмыс істейді. Білім алушылар үшін спорт секциялары мен кәсіби шеберлік мектебіне тегін бару мүмкіндігі бар.

Тәжірибе мен тағылымдама қаланың үздік компанияларында және одан тыс жерлерде өтеді. Колледжді бітіргеннен кейін түлектердің қысқартылған бағдарлама бойынша ЖОО-да оқуын жалғастыруға мүмкіндігі бар.

Күндізгі оқу нысанына өтініштер негізгі орта білім негізінде күнтізбелік жылдың 25 маусымынан 18 тамызына дейін қабылданады.

Тұлғаларды оқуға қабылдау конкурстық негізде жүзеге асырылады.

Қабылдау үшін құжаттарды талапкердің өзі немесе оның заңды өкілдері ұсынуы тиіс.

1) құжаттарды қабылдау туралы өтініш;

2) білімі туралы құжаттың түпнұсқасы;

3) 4 дана көлемінде 3х4 см өлшемдегі фотосуреттер;

4) № 075-У нысанды медициналық анықтама

5) жеке басын куәландыратын құжат (жеке басын сәйкестендіру үшін).

Сұрақтарыңыз болса, телефон немесе әлеуметтік желілер арқылы колледждің қабылдау комиссиясына хабарласыңыз.