Шымкент қаласы білім басқармасының «Жеңіл өнеркәсіп және сервис колледжі» мемлекеттік коммуналдық қазыналық кәсіпорны Шымкент қаласында жеңіл өнеркәсіп үшін жұмысшы кадрларды даярлау бойынша базалық колледж болып табылады. Колледж 2017 жылы ОҚО бойынша «Үздік колледж» номинациясының иегері болып танылды.

Оқу үдерісін ұйымдастыру үшін колледждің 3 оқу корпусы бар. Колледждің барлық ғимараттары ішкі сумен және кәріз жүйесімен жарақталған, ғимараттардағы жылыту, желдету жүйелері санитарлық нормаларға жауап береді. Қазіргі уақытта оқу кабинеттерінде жалпы отыратын орын саны - 558. Жалпы колледж бойынша 8 оқу дәрісханасында, 1 оқу-өндірістік шеберханада, әдістемелік кабинетте интерактивті тақта орнатылған. Колледжде қауіпсіз ортаны қалыптастыру мақсатында «А», «Б», «Е» оқу ғимараттарында, оқу-өндірістік шеберханалары, сондай-ақ мекемеге қарасты аймақты қамтитын бейнебақылау орнатылған, оқу ғимараттары санитарлық-гигиеналық талаптарға, өртке қарсы қауіпсіздік талаптарға сәйкес келеді.

Оқуға өтініш білдіргендер (9-11 сыныптан кейін) 2 тарау 9 тармақшаға сәйкес төмендегі құжаттарды тапсыру тиіс;

1.Оқуға қабылдау туралы өтініш.

2.Білім туралы құжаттың төлнұсқасы.

3.086-У нысаны бойынша медициналық анықтама (088-У нысаны бойынша І және ІІ топтағы мүгедектер үшін медициналық әлеуметтік сараптама қорытындысы).

4.3х4 көлеміндегі  4 сурет.

5.Жеке құжаты.