Колледж 1972 жылы Қазақ КСР Министрлер Кеңесінің қаулысына сәйкес Ауыл шаруашылығы министрлігінің бұйрығымен Оңтүстік Қазақстан мемлекеттік ауылшаруашылық тәжірибе стансасы негізінде құрылып, «Чымкент кеңшар техникумы» деп аталды. 1997-2003 жылдар аралығында «Шымкент агротехникалық колледжі» деп аталды.2003-2019 «Шымкент аграрлық колледжі» деп аталды, 2019 жылдың ақпан айында колледж жоғары мәртебеге ие болып, «Түркістан жоғары аграрлық колледжі» болып өзгертілді.

1992 жылдан бастап колледждегі барлық оқу жұмыстары қазақ тіліне аударылды. Бұл жұмысқа топ мүшелері жұмылдырылып, барлық іс жүргізу жұмыстары мен кабинеттер мен зертханалардың құрал-жабдықтары жедел түрде мемлекеттік тілге көшірілді

Колледждің оқу орны арнайы салынған төрт қабатты оқу корпустарынан, спорттық және акт залдарынан, жатақханалардан, жазғы спорт алаңдарынан, оқу шеберханаларынан, автодромнан, тәжірибе алаңдарынан, асхана мен құрал-жабдықтарды сақтайтын үй-жайлардан тұрады.

Күндізгі бөліміне өтініштер 20 маусымнан 20 тамызға дейін өтініштер қабылданады.

Колледжге оқуға түсушілер, колледж директорының атына таңдап алған мамандығы көрсетілген өтінішке қоса мына құжаттарды тапсырады:

• білімі туралы құжаттың түп нұсқасы;
• №075 формадағы медициналық анықтама. (1 және 2 топтағы мүгедектер үшін ЕСК-ның шешімі)

• №063 екпе (прививка) туралы анықтама
• 3х4 см өлшеміндегі 6 дана фото сурет;
• Ұлттық бірыңғай тестілеу (ҰБТ) нәтижелерінің сертификаты;
• Жеке куәлік (төлқұжат) немесе туу туралы куәлік көшірмесі;
• Еңбек стажы барлардан нотариалды куәландырылған еңбек кітапшасының көшірмесі талап етіледі.