Heriot-Watt университеті – Ұлыбританияның ең көне техникалық оқу орындарының бірі, 1821 жылы Эдинбургте құрылған. Екі ғасырлық тарихында университет инженерлік білім, технология және қолданбалы ғылымдар саласындағы көшбасшы ретінде мықты беделге ие болды. Бүгінгі таңда Heriot-Watt – бұл тек бренд емес, Шотландия, Малайзия, БАӘ-дегі кампустарын, ал 2023 жылдан бастап Қазақстандағы кампусын біріктіретін жаһандық білім беру платформасы. Жаңа кампустың негізі ретінде Батыс Қазақстанның жетекші жоғары оқу орындарының бірі – Қ. Жұбанов атындағы Ақтөбе өңірлік университеті таңдалды.

Heriot-Watt университетінің Ақтөбедегі кампусында оқудың басты артықшылықтарының бірі – қос диплом моделі: Жұбанов университетінің дипломы және Heriot-Watt-тың барлық кампустарына арналған бірыңғай үлгідегі британдық диплом. Бұл түлектерге Қазақстанда да, шетелде де кәсіби жолын құруға мүмкіндік бере отырып, мансаптық мүмкіндіктерін айтарлықтай кеңейтеді.

Кампустың білім беру бағдарламалары өңірдің индустриялық болашағы үшін өте маңызды бағыттарға шоғырланған, энергетика секторының басымдықтарын, IT-индустрияның қажеттіліктерін және цифрландыру міндеттерін ескере отырып әзірленген. Оқыту (ағылшын тілінде) халықаралық командамен жүргізіледі – бұл Heriot-Watt университетінің шетелдік кампустарының профессорлары, «Болашақ» бағдарламасының түлектері, Назарбаев Университетінің жетекші оқытушылары және Жұбанов университетінің үздік оқытушылары. Ақтөбедегі кампус студенттерге Шотландия, Малайзия және Дубайдағы Heriot-Watt университетінің басқа кампустарында академиялық алмасулар мен тағылымдамаларға қатысуға мүмкіндік береді. «Go Global» бағдарламасы үздік студенттерге грант негізінде қолжетімді, бірақ жеке қаражат есебінен қатысу мүмкіндігі де қарастырылған.

Жұбанов университеті жайлы өмір мен оқу үшін қажетті инфрақұрылымды ұсынады: 6 оқу ғимараты, 4 студенттік жатақхана, спорт залдары, футбол және волейбол алаңдары, воркаут алаңдары, студенттер мен жастар сарайлары, кафе және коворкинг аймақтары. Кітапхана қорына ерекше назар аударылған: миллионнан астам басылым, сирек кездесетін кітаптарды қоса алғанда. Әрбір оқытушы мен студенттің кітап қорының барлығына, электрондық ресурстарға, бірегей материалдарға ашық қолжетімділігі бар. Университет кітапханасы – бұл Open Space, мұнда студенттер тек оқып қана қоймай, сонымен қатар араласа.

Heriot-Watt университетінің Ақтөбе кампусына қабылдау ЕНТ нәтижелері бойынша жүзеге асырылады, ал таңдалған білім беру бағдарламасына байланысты пәндер профильді болады.

Сонымен қатар, ағылшын тілін білуді растау қажет. IELTS халықаралық емтиханынан ең төменгі балл – 5.0. IELTS сертификаты жоқ талапкерлер Heriot-Watt университеті К. Жұбанов атындағы Ақтөбе өңірлік университеті базасында өткізетін тегін арнайы AOLT тіл сынағынан өте алады. Бұл емтихан ай сайын, әр айдың соңғы сенбісінде тұрақты түрде ұйымдастырылады. Егер сізде жарамды IELTS сертификаты болса, AOLT тапсырудың қажеті жоқ және сіз бірден білім беру грантына қатысу конкурсына құжаттарды тапсыра аласыз.

Heriot-Watt университетінің Ақтөбе кампусына түсу және оқу шарттарына қатысты барлық сұрақтар бойынша қабылдау комиссиясына хабарласу қажет.