1966 жылы құрылыс мамандарын дайындайтын №151 кәсіптік училищесі ретінде Қазметаллургстрой трест базасында негізделген.

Колледжде тұрақты әрі жоғары кәсіби оқытушылар ұжымы қызмет атқарады. 44 % жоғары және бірінші санаттағы оқытушылар мен өндірістік оқыту шеберлері құрайды.

Колледж 2 типтік оқу корпусында, 2 оқу-өндірістік шеберхана ғимаратында орналасқан. Қазіргі ақпараттық – коммуникативтік технологияларды белсенді қолдану үшін: ғаламтор жүйесіне қосылған 20 оқу компьютерлері, түрлі талаптарға қажет оргтехникалары (интерактивті тақта) бар.

Колледждің студенттері мен педагогикалық ұжымы Республикалық, облыстық, қалалық ғылыми-практикалық конференцияларға, кәсіптік байқауларға, спорттық шараларға белсене қатысады. Колледждің «Қыздарай» атты «Жайдарман» КТК қыздар командасы қалалық, облыстық және республикалық байқауларға қатысты.