"Аяжан" медициналық колледжі 1993 жылы еліміздің денсаулық сақтау саласы бойынша орта білімі бар мамандар даярлайтын мекеме ретінде құрылды.

Колледжде білім беру стандартында көзделген, оқытудың заманауи техникалық құралдарымен: мультимедиялық аппаратурамен, бейнепроекторлармен, ноутбуктермен, жаңа буын компьютерлерімен, интерактивті тақтамен жабдықталған кабинеттер жұмыс істейді.

Колледждегі ерекше мақтаныш – перкуссия, аускультация, пальпация, жүрек-өкпе реанимациясын өткізуге арналған заманауи тренажерлармен, әртүрлі сипаттағы жараларды хирургиялық өңдеуге арналған тренажерлармен, практикалық дағдыларды пысықтауға және шұғыл көмек көрсетуге арналған педиатриялық тренажерлармен жабдықталған симуляциялық кабинет.

Клиникаға дейінгі практика кабинеттері оқу интерактивті бағдарламаларымен, муляждармен, планшеттермен үнемі толықтырылып отырады.

Практиканың негізгі базалары: №1 теміржол ауруханасы, №4 Қалалық клиникалық аурухана, №1 Қалалық клиникалық аурухана, №9 қалалық емхана, №13 қалалық емхана, №32 қалалық емхана, "Ақсай" республикалық балалар клиникалық ауруханасы, №2 перзентхана, №4 перзентхана болып табылады.

Талапкерлердің оқуға өтініштерін қабылдау 25 маусым мен 25 тамыз аралығында жүзеге асырылады

Біздің колледжге түсу үшін мыналарды ұсыну қажет:

1. Жеке куәлік (туу туралы куәлік) және оның көшірмесі;
2. 
   Мектепті бітіргені туралы Аттестат және оның көшірмесі;
3. 
   І және II топтағы мүгедектер мен балалық шақтағы мүгедектер үшін флюоросуреті бар №086 медициналық анықтама (қайталама оқу) – медициналық-әлеуметтік сараптама комиссиясының (МӘСК)қорытындысы;
4. 
   ЖСН көшірмесі;
5. 6 дана 3х4 фотосуреттер;