Қазақ-неміс политехникалық колледжі - Кентау қаласындағы электр энергетикасы саласында жұмысшы мамандықтарын дайындайтын оқу орны. 2011 жылы Кентау трансформатор зауытының базасында құрылған. Сондай-ақ Alageum Electric компаниясының құрылымдық бөлігі болып табылады.

Колледждің кейбір артықшылықтары:

• Дуальды оқыту жүйесі. Оқу процесінің алғашқы күндерінен бастап студенттерге зауыттың өндірістік нысандарында тәжірибеден өту мүмкіндігі беріледі.
• Екінші курстан кейін жалақы ала отырып, Кентау трансформатор зауытында оқу және бір уақытта жұмыс істеу мүмкіндігі.
• Колледжді бітіргеннен кейін Кентау, Шымкент, Орал, Ақтау трансформатор зауыттарында жұмысқа орналастыру.
• Кентау трансформатор зауыты есебінен шетелде жоғары білім алу.
• Германияның қосымша халықаралық сертификатын (TUV Rheiland Akademie GmBH) алу мүмкіндігі.
• Республикадағы ең үздік материалдық база. Оқу кабинеттері жаңа техникалық жабдықтармен жабдықталған, колледж кітапханасында қазіргі заманғы жалпы техникалық, салалық және көркем оқулықтардың 13 мыңға жуық қоры бар.

Колледжге түсу және қабылдау процесі:

• 3х4 см фотосуреттер - 6 дана;
• ЭЦҚ egov.kz кілті;
• Құжаттарды egov.kz тіркеу;
• Құжаттарды қабылдау туралы өтініш;
• Жеке іс;
• Конверт А5;
• Білімі туралы құжаттың түпнұсқасы - Аттестат;
• № 075-У; медициналық анықтама, I және II топтағы мүгедектер мен бала кезінен мүгедектер үшін - № 031-У нысан бойынша медициналық-әлеуметтік сараптама қорытындысы;
• Медициналық анықтама № 063-У (флюорография);
• Жеке басын куәландыратын құжат (жеке басын сәйкестендіру үшін). Көрсетілетін қызметті алушының жеке басын куәландыратын құжаттар жеке немесе заңды өкілдерімен ұсынылады;
• Туу туралы куәлік.

Туындаған сұрақтар бойынша колледждің қабылдау комиссиясына телефон арқылы немесе әлеуметтік желілер арқылы хабарласыңыз.